Ætlaði að setja þetta á snemmi.bloggar.is en þar sem bloggar kerfið er í einhverju rugli þá set ég þetta hér.

Nú eru svona “ég man” listar að á annarri hverri bloggsíðu sem að maður fer á. Fannst þetta frekar sniðugt þannig að ég var að hugsa um að gera bara einn svona. Vonandi nennir einhver að lesa þetta allt.

1. Ég man þegar að bjó á Vallá.
2. Ég man þegar að vinkona mín á Vallá varð fyrir bíl og dó aðeins 4 ára gömul.
3. Ég man þegar ég þegar ég flutti aftur heim til Húsavíkur.
4. Ég man þegar ég vaknaði á hverjum morgni klukkan 7, við það að afi var að slá garðinn.
5. Ég man þegar Siggi Valli flutti í brekkuna.
6. Ég man þegar ég var að tala við Gísla í 9 bekk, þegar ég þekkti hann mjög lítið, og við komumst að því að við áttum sömu langömmu.
7. Ég man þegar ég datt í það í fyrsta skiptið.
8. Ég man þegar ég fór í partý til Fríðu “nýju” og var hent út.
9. Ég man þegar eftir öllum partýunum heima hjá Hermanni Þór.
10. Ég man þegar ég fór í fyrsta skipti til Englands.

- þegar maður labbaði inn á Old Trafford og hugsaði “Djöfull er þetta lítið”.

- þegar maður var vakinn um miðja nótt því að það var verið að bera Bigga upp á herbergi.

- Þegar við fórum í bíl með klikkaða leigubílstjóranum

11. Ég man þegar ég byrjaði að vinna í Úrval og vissi ekkert hvað ég átti að gera ef að ég var ekki á kassa.
12. Ég man þegar ég var að vinna í kirkjugarðinum og Fjalar ljósritaði símaskránna.
13. Ég man þegar ég var á rúntinum með Gísla Árna og Finni og Arna Rún byrjaði að elta okkur.
14. Ég man þegar við Siggi eyddum heilum jólum í að spila cm 01/02
15. Ég man þegar ég skrópaði í sögu tíma og sat frammi á gangi og var að spjalla við einhvern tjörnesing um Bjarna frænda. Þetta voru fyrstu kynni mín af Heiðari.
16. Ég man eftir öllum bekkjarleikunum.
17. Ég man þegar ég var alltaf í playmo með Samma þegar hann bjó á Mararbrautinni.
18. Ég man eftir því þegar ég náði Þýsku og var þar með útskrifaður úr F.S.H.
19. Ég man þegar ég kom heim úr skólanum þegar ég var í fimmta bekk, og Árni Kjartans var þá heima að lóga kettinum. Gerði það með því að snúa hann úr hálslið. (Ekki fallegt!)
20. Ég man þegar að ég kláraði samræmduprófin og hluti af bekknum fór og datt í það í skrúðgarðinum. (góðir tímar)
21. Ég man þegar að ég frétti að afi Tryggvi væri dáinn.
22. Ég man þegar ég braut ljósakrónu heima með því að henda lyklakippu í hana.
23. Ég man svo að nokkrum dögum seinna hoppaði ég upp í ljósakrónuna og skar mig í litlaputtann alveg að beini.
24. Ég man þegar ég handsleggsbrotnaði við það að verja fótbolta þegar ég var lítill.
25. Ég man líka þegar ég handsleggsbrotnaði á diskóteki.
26. Ég man þegar ég fór í Hólabrautinna til Öllu og Bubbu þegar ég var lítill og fékk after eight og 500 kall í hvert skipti.
27. Ég man þegar amma og afi bjuggu á neðri hæðinni og maður gat alltaf komið við þar og fengið nýbakað brauð og nesquick.
28. Ég man þegar ég var alltaf út í Héðinshöfða þegar ég var yngri.
29. Ég man líka alltaf þegar ég mátti aldrei fara frá matarborðinu þar nema ég væri búinn að fá mér af öllum sortum og klára rúsínurnar sem að ég týndi alltaf úr jólabrauðinu.
30. Ég man þegar ég og Nonni vorum að alltaf að gera dyrat hjá Agli Olgeirs því að okkur fannst svo skemmtilegt lag í dyrabjöllunni.
31. Ég man þegar ég, Sammi og Rúnar héldum tombólu.
32. Ég man eftir hjólabílnum sem ég átti þegar ég var lítill. Það var svona gul grafa með rauðri skóflu og ég kallaði hann því frumlega nafni Billa bíll. (var svona 2-4 ára)
33. Ég man eftir Eurovision partýunum heima hjá Mikka Dollu.
34. Ég man þegar að ég og Árný vorum alltaf að slást.
35. Ég man þegar Árný setti klemmur í hárið á mér og var að leika hársnyrti.
36. Ég man þegar ég æfði fótbolta.
37. Ég man þegar ég fór á Reyki og var með Aðalsteini og Friðgeiri í herbergi.
38. Ég man eftir skólaferðalaginu í 10 bekk.
39. Ég man þegar að ég var úti á Spáni.

- Eftir kallinum sem var að dansa á ströndnni.

- Eftir öllum celtic aðdáendunum.

- Eftir öllum partýunum sem voru haldinn í okkar íbúð

- Eftir köldu sundlauginni

- Eftir karókíbarnum

40. Ég man þegar þegar maður var oft á rúntinum langt fram á nótt.
41. Ég man hvað ég var ánægður þegar að mamma og pabbi gáfu mér æðibita kassa í jólagjöf. (fékk reyndar hljómfllutningstæki seinna um kvöldið. En ég var sáttur við nammið)
42. Ég man þegar ég fékk allt he-man dótið hans Þórðar í afmælisgjöf.
43. Ég man þegar að ég var alltaf með Steinþóri frænda.
44. Ég man þegar að ég og Gummi vorum alltaf að kveikja í einhverju drasli upp í skógi.
45. Ég man þegar að ég var í skólagörðunum.
46. Ég man hvað það var gaman að byrja í F.S.H og vera busi.
47. Ég man eftir ökutímunum hjá Sigga Þórarins, og þegar hann hringdi alltaf í mig þegar að ég var að detta í það til að fá mann í ökutíma daginn eftir.
48. Ég man þegar að ég var að bera út dag og þorði aldrei að rukka í Túni því að ég var svo hræddur við Gunna Bald.
49. Ég man þegar ég var að leika mér heima hjá Gunna Bald og hann var að steypa eitthvað. Vorum í eltingaleik ég og Jói vinur minn á Vallá, hann var sem sagt frændi Gunna Bald, og annar hvor okkar steig á óþornaða steypuna og Gunni gaf okkur ræðu.
50. Ég man þegar ég fékk hálsríg þegar ég bjó á Vallá og þurfti að liggja á sjúkrahúsi í nokkra daga.
51. Ég man þegar að ég byrjaði í fyrsta bekk í skólanum á Kjalarnesi, vorum bara 5 í bekk og ég var sá eini sem kunni að lesa .
52. Ég man þegar að ég fór með mömmu og pabba inná akureyri til að kaupa Hyundai-inn.
53. Ég man þegar að mamma var að vinna í bakaríinu og maður fékk alltaf horn hjá henni.
54. Ég man þegar að það var einhver veisla á Vallá og það kviknaði í servíettu og pólverjinn Slanislaw, sem var að vinna þarna, reyndi að slökkva eldinn með því að raða servíettum ofan á hann.
55. Ég man þegar ég fór til U.S.A.

- Þegar ég datt í kyrrahafið

- Þegar ég fór í disneyland og universal studios

- Þegar við vorum að fljúga yfir Manhattan og ég sagði “Reykjavík lítur út eins og Grenivík miðað við þetta”

56. Ég man þegar ég bjó á Grenivík í mánuð og vann við það að passa Þóreyju frænku.
57. Ég man þegar við áttum lödu sport og öllum skiptunum sem hún bilaði.
58. Ég man þegar að Dalrós langamma dó og að ég fór ekki í jarðarförina því að ég var svo þunnur (er enn með smá samviskubit yfir að hafa ekki farið)
59. Ég man eftir því þegar að maður var alltaf í keldunni.
60. Ég man þegar ég fermdist og hvað mér fannst leiðinlegt að þurfa að tala við alla gestina.
61. Ég man þegar maður var alltaf að renna sér á stiga sleða út í Héðinshöfða á veturna.
62. Ég man í þegar að ég lék lögregluþjón í sjöundarbekkjarleikritinu, og gott ef að það var ekki í því leikriti sem að ég þurfti að dansa macarena dansinn.
63. Ég man þegar að ég var að læra á klarenett með Hemma, Friðgeiri og Fjólu. Bestu klarenett leikarar í heimi
64. Ég man þegar að ég samdi fullt af sögum í 5 eða 6 bekk.
65. Ég man þegar að ég fauk, var á þeim tíma sem að ég bjó á Vallá og það er oft hrikalega hvasst undir Esjunni. Fauk lengst niður á Tún en náði einhvern veginn að koma mér heim.
66. Ég man hvað ég öfundaði Árna Má, son Árna Kjartans, mikið fyrir að eiga fjarstýrðan bíl.
67. Ég þegar að Árni Kjartans kom og sagði mér að Man Utd hefði unnið meistaradeildina og hló mikið af því að Bayern mennirnir fóru að gráta í leikslok.
68. Ég man eftir útvegsspilinu.
69. Ég man þegar að pcliga var aðalleikurinn.
70. Ég man þegar að við vorum nokkrir strákarnir sem að leiðgum höllina á mánudagskvöldum og fórum í fótbolta.

Held að það sé ágætt að vera ekkert að hafa þennan "ég man" lista lengri.

 Annars er það að frétta af mér að ég fór í vísindaferð á föstudaginn. Farið var í Spron og þar var okkur sýnt aðalstöðvarnar og svo var mikið verið að kynna DMK fyrir okkur. Sem er víst nýtt kort á markaðnum. Þetta var fyrsta væisindaferðin sem að ég hef farið í. Þótti ekki leiðinlegt að maður gat fengið ser eins mikið af Heineken og maður vildi. Ferðin var búin um kvöldmatarleytið. Seinna um kvöldið fór ég með Gísla og Finni í bíó, Gísli vann tvo miða á Flyboys í einhverjum leik á FM957 og var þetta hin fínasta skemmtum bara. Þegar ég kom heim fór ég inn á Uglu, innra kerfi háskólans, og sá þar að Mágus, nemendafélag viðskiptafræðinnar, er sextugt einhvern tímann á næstu dögum og að því tilefni er boðið upp á bíóferð í kvöld og verður farið á myndina Borat.

Gerðist skemmtilegur atburður nú í vikunni. Vorum á rúntinum ég, Gísli, Jói bróðir hans og Arna Rún. Jói sat fram í og ákvað að vera eitthvað fyndinn og skrúfa niður rúðuna. Þá vildi svo skemmtilega til að rúðan fór ekkert upp aftur. Komst síðan loksins með bílinn í viðgerð í gær, þurfti að geyma að bílinn út á stæði með rúðuna niðri og þá snjóaði og ringdi nottla allan tímann. En síðan hefur ekki komið dropi úr lofti síðan ég fór með bílinn í viðgerð, en það hefur verið kalt þannig að annað framsætið er frosið.  

 Nú eru samt bara 4-4 vikur í að prófin byrji. Þannig að ég veit ekki hversu duglegur maður verður að blogga á næstunni. Þarf að fara að lesa eins og brjálæðingur og læra þessa diffrun í eitt skipti fyrir öll. Verð búinn í prófum 21. des. og flýg heim seinna um daginn. Verður það í fyrsta skipti sem að ég fer í innanlandsflug. Hlakkar ekkert smá til að komast heim.

 Jólin eru að riðja sér inn á heimilið hérna á Reynimelnum. Kom að Gísla um daginn að hlusta á jólalög og borða piparkökur. Þótti það nú full snemmt. Það lýður víst að því að maður þurfi að fara að kaupa jólagjafir. Þarf að gera það áður en að prófin byrja, þbí að ekki getur maður verið að versla í miðjum prófundirbúning eða farið að versla eftir prófin þann 21. Mamma og pabbi koma suður eftir 2 vikur og býst ég við að versla jólagjafirnar þá. Hægt er að setja inn jólagjafa óskalista í komment fyrir neðan svo að maður viti hvað maður getur gefið fólkinu í jólagjöf.

 Reikna ekki með því að nokkur maður sé að lesa þetta lengur þannig að ég segi þetta bara gott í bili.

Jæja þá er maður kominn með fjórðu síðuna. Þegar ég skráði mig inn á þessa, þá var manni hótað öllu illu og vinsamlegast beðinn um að drulla sér yfir á minnsirkus.is. En þar sem að það er glórulaust bloggkerfi verður gerð ný síða á bloogar.is. Slóðin á nýju síðuna mína er því: www.snemmi.bloggar.is

Já ótrúlegt en satt, þá er ég hér enn. Sit upp í skóla og er að deyja úr leiðindum og mundi þá allt í einu eftir síðunni minni. Hef ekki bloggað nú í tvær og hálfa viku þannig að það er kominn tími á þetta.

Páskarnir voru alltof fljótir að líða. Maður eyddi páska"fríinu" að mestu í Úrval. Ætlaði síðan að vera edrú alla páskana vegna peningaleysis og vegna mikillar vinnu. Fór þess vegna á páskadagskveld á rúntinn. Tók drykkjurútinn hann Finn með, og tjáði hann mér að hann ætlaði að fara að drekka með Mikka og Heiðari og að Bjarni frændi ætlaði að drive-a. Tók ég þá þá gáfulegu ákvörðun að fara bara með þeim á rúntinn til að spara bensín. Eftir að hafa rúntað með þeim í c.a. 15-30 mínútur, var ég orðinn svo bjórþyrstur að ég ákvað að fara heim og ná í þessa 6. bjóra sem ég átti. Ætlaði nú samt ekki að drekka nema tvo til þrjá. Endaði með því að maður var blindfullur á balli. Nokkuð skemmtilegt ball, alla vega það sem að ég man eftir.

Verð samt að segja frá því að áður en við fórum á ball þurfti Bjarni að fara heim til sín til að borða banana

Drykkur helgarinnar: Víking gylltur.

Hljómsveit helgarinnar: Von

Driverar helgarinnar: Bjarni og Rakel

Matur helgarinnar: Banani

Setningar helgarinnar: Mikki Dollu: "Það er hægt að ríða honum" og "Ég rakaði mig í dag" Seinni setningin kom þegar að Bjarni var að segja Heiðari sögu. Þá ákvað Mikki að deila þessu með okkur.

Idolstjarna helgarinnar: Ína

Glórulaus hegarinnar: Finnur

Vá hvað Egó er góðir á balli. Besta ball sem að ég hef nokkurn tímann farið á.Enda þegar að hljómsveit tekur lög eftir Egó, Utangarðsmenn og Bubba sjálfan, þá er ekki við öðru að búast en fjöri. Ætlaði allt um koll að keyra þegar að þeir spiluðu lög eins og Móðir, Ísbjarnablús, Hiroshima, Stórir strákar og síðast en ekki síst Fjöllin hafa vakað. Eini gallinn var sá að þeir spiluðu heldur stutt.

En ég fór í sextugs afmæli til Ellu í gær og það var bara nokkuð gaman. Sigurður Hallmarsson og frú, settu upp nokkuð góðan leik þátt. Siggi Illuga var svo veislustjóri og var bara nokkuð góður. Svo fór maður og söng fyrir liðið, enda frábær söngvari hér á ferð.Úrvalsliðið gaf Ellu gjafabréf á Laxamýri, sem fól í sér að Ella mætti annast eina kýr í heilan dag. Bara fyndið.

En maður víst að fara í páskafrí. Held að það sé bara ein vika í það. Spurning hvort að því verði ekki bara öllu eytt í Úrval. Eitt gott við það samt er að þá kemur allt liðið norður. Þá getur maður að gera eitthvað skemmtilegt til tilbreytingar.
Ætla að fara að halda áfram að vera þunnur. Þangað til næst.......

BREAKING NEWS: Bjarni Jónasson er búinn að segja konunni upp. Já, maður er ekki enn búinn að átta sig á þessu. En Bjarni er sem sagt á lausu aftur og er að fara að veiða með Mikka Dollu á Föstudagskvöldið. Nú verða stelpurnar að passa sig.

Var í fríi í dag, eftir að hafa unnið hvern einasta dag frá því á mánudag 20. Mars. Glórulaust að vera svona í fríi því að maður hefur ekki hugmynd um hvað maður á að gera af sér. Horfði á Man Utd vinna West Ham áðan og ákvað Heiðar Idolskelfir að koma og horfa á leikinn hjá mér, svo hann gæti séð sinn mann Sheringham spila. Bjarni kom svo og horfði á restina af leiknum með okkur og lýsti því yfir að hann væri að fara með Mikka á barinn að hözzla á föstudaginn. Eftir leikinn voru svo teknar nokkrar beygjur með Heiðari, en Bjarni ákvað að fara kvennmanslaus heim að sofa. Gunni Siggi ákvað að svo að taka okkur upp í. Þar voru margar og skemmtilegar sögur sagðar og mikið hlegið. Síðan kom enn einn Tjörnesingurinn í bílinn þegar að Siggi Valli ákvað að koma með og var þetta bara býsna skemmtilegt kvöld.

Heiðar var eitthvað að pressa á Bjarna að fá sér í glas á morgun, og fyrst maður er ekki í skóla á föstudaginn, getur vel verið að maður sötri aðeins með þeim þá. En á laugardaginn eiga allir að demba sér í Sjallann á Egó. Uss hvað það verður gaman. Væntanlega gist á Eyrinni og allur pakkinn.

Var annars að sjá próftöfluna mína, og vill svo skemmtilega til að þessi 2. próf sem að ég er að fara í, eru fyrsta og síðasta prófdaginn. Nokkuð pirrandi það. Hefði verið til í að ljúka þessu bara af sem fyrst, en það er víst ekki hægt. Áætlað að taka sér lágmark tveggja daga frí frá vinnu til að læra undir prófin. Spurning hvernig það mun ganga. Gekk ekki nógu vel í fyrra.Maður verður víst að ná þessu til að útskrifast sem er frekar fárárnlegt þar sem að þetta mun ekki gagnast mér í háskóla. Hvorki þýska né náttúrufræði.

Ætla segja þetta gott í bili. Skrifa eitthvað skemmtilegt hérna inn eftir helgi.

Hrollaugur Bósi það er kalt úti. Ástæða fyrir bloggleysi á þessari síðu er sú að ég hef verið að vinna eins og ég veit ekki hvað alla vikuna. Þannig að vikan hefur verið þannig að ég byrja að vinna þegar að ég er búinn í skólanum og vinn til klukkan 20. Vann fyrir Gísla á mánudag, en er búinn að vera að vinna fyrir Sirrý síðan á þriðjudag. Fæ samt ekki frí á morgun, þótt hún sé að koma aftur, því að ég þarf að vinna fyrir Hófí og Gunna í kjötinu. byrja klukkan 9 og verð til klukkan 20. Verður bara gott að fá smá tilbreytingu.

Síðustu helgi fór ég samt suður á Idol. Þar datt Alexander út og er lítil eftirsjá af honum, enda svo sem ekki efni í poppstjörnu. Gerði þau regin mistök að syngja lag eftir Jónsa sem er mjög erfitt. En alla vega fór ég suður á fimmtudegi og var byrjað á því að fara í ríkið og kaupa sér gyllt gos og svo var farið í kringluna, ótrúlegt en satt. Þar þekkti Friðgeir mann og annan, voru flestir Kr-ingar held ég. Svo var bara sötrað með Finni um kveldið og farið í Pro Evalution Soccer 4 og spilað popppunkt. Það þarf varla að taka það fram að ég rústaði Finni í öllu sem keppt var í. Restinni af helginni var eytt í Kringlunni og Smáralind. Ótrúlegt en satt þá hitti maður slatta af Húsvíkingum. Var þar fremstur í flokki Gummi Svavars sem að ég sé alltaf þegar að ég fer suður. Var samt nokkuð fyndið þegar að maður var á Idolinu, að þá leið manni bara eins og maður væri á einhverri skemmtun hérna í höllinni á Húsavík því að maður þekkti annan hvern mann þarna. Ætti eiginlega að fara fram í Kringlunni því að maður sér alltaf fleiri Húsvíkinga þar en í Smáralindinni.

Veit ekkert hvað ég á að bulla meira, svo að fer bara að segja þetta ágætt.

Idol helgarinnar: Ína
Tapari helgarinnar: Finnur
Hringur helgarinnar: Gísli
Partýdýr helgarinnar: Friðgeir
Leiðinlegasti rúntur landsins: Reykjavíkur rúnturinn
Leiðinlegasti staður til að hanga einn á í 6 tíma: Kringlan
Afmælisbarn vikunnar: Ég
Drykkur helgarinnar. Egils Gull
Skot dagsins: Thelma "Er hjúkrunarfólkið komið?" Kjartan: "Meinaru skúringarfólkið?" Thelma "Já eða það"

Takk fyrir kærlega.

Ok. Blogg skal það vera. Ekki búinn að gera neitt merkilegt undanfarið nema bara að vinna og mæta í skóla. En á morgun er stefnan sett á borgina og þar er stefnan sett á drykkju og almenn leiðindi. Legg af stað eftir skóla á morgun, sem er svona um 9 leytið, og verð því kominn frekar snemma suður. Veit ekki alveg hvað ég á að gera yfir daginn, ætli það veri ekki Kringlan og Smáralindin eins og venjulega, en um kvöldið á að demba sér á kæjann með Finni. Föstudegi verður svo eytt í þynnku og um kvöldið verður farið og horft á Ínu í Idolinu. Friðgeir ætlaði svo að kynna mig fyrir djammmenningunni á Laugardagskvöldið. Veit ekki hvort að maður fari svo heim á Sunnudegi eða bara á Mánudegi, fer eftir heilsu manna og einhverju fleiru.

Í kvöld er svo stefnt að því að fara á Frelsi, sem er leikritið hjá 10. bekk. Held að það verði bara gaman. En hef þetta ekki lengra í bili. Betra blogg og fleiri myndir eftir helgi.

Menn endalaust að kvarta yfir hvað ég blogga sjaldan. Þannig að það er best að maður skelli inn einu kvikindi. Ný kominn úr skúrnum frá Sigga, var boðaður þangað í kaffi og ál spjall. Tók ég nokkrar myndir af kallinum að störfum og er hægt að sjá þær í tenglinum "Englandsferðir" hér til hliðar.

Helgin var fín, Söngkeppni F.S.H var á fimmtudeginum, þar sem að Aron bleiki fór á kostum. Á Föstudeginum var svo Árshátíð og ball með Bermúda, sem að er versta ball hljómsveit sem að ég veit um. Árshátíðin var fín. Steinn Ármann sýndi það og sannaði að hann er einn sá fyndnasti í bransanum. Myndir af árshátíð og dillicup er hægt að skoða í tenglinum "Englandsferðir" hér til hliðar. En eftir árshátíð var farið og fengið sér nokkra kalda fyrir ball. En besti hlutinn var eftir ballið. Þá fór maður að rölta eitthvað í bænum á meðan fólk var að reyna að komast í partý til Brynjars. Þegar að maður kemur hjá Árbóli þá sér maður að það er verið að skutla Steini Ármanni heim. Lennti maður líka á þessu þrusu spjalli við manninn, sem var blindfullur og miklu fyndnari en hann var á árshátíðinni. Sagði okkur, sem á hlustuðum, frá því þegar að hann var hérna síðast og náði þá í konu sem var svona spiiiiiiikfeit. Síðan hefði hann verið að skemmta í Borgarfirðinum, þaðan sem að hann er ættaður, og náð sér í eina spiiiiikfeita og ekki nóg með það heldur voru þau systkinabörn.

Á Laugardeginum vaknaði maður svo óþunnur, sem var skemmtileg tilbreyting, og gat maður þá gert grín að Finni sem var að deyja úr þynnku. Frétti svo að það væru allir að fara í sjallann um kveldið og ætlaði því bara að vera rólegur heima. Svo er hringt í mig um kveldið og spurt hvort ég nenni ekki að ná í Bjarna út á Héðinshöfða, verðandi Álver, og skutla honum heim til Mikka Dollu. Hélt að það væri nú lítið mál og ákvað að drekka mönnunum til samlætis. Endaði það með mikilli ölvun og var endað á Bauknum. Sunnudagsþynnkunni var svo eytt í Úrval.

Held að það verði ekkert dregið úr drykkju þessa helgi. Menn að reyna að fá mig á Wig Wam og svo er líka búið að bjóða mér í afmæli. Verð haugaður held ég. Held að þetta sé að verða fínt í bili.

Orð helgarinnar: Spiiiikfeit
Bikar helgarinnar: Deildarbikarinn
Þynnka helgarinnar: Sunnudagsþynnkan
Pósa helgarinnar: Árshátíðarpósan hjá Örnu
Símsvari helgarinnar: Gísli Árni
Markaskorari helgarinnar: Siggi Valli
Graðasti maður helgarinnar: Steinn Ármann
Samkynhneigð helgarinnar: Finnur
Partýdýr helgarinnar: Friðgeir
Afmælisbarn helgarinnar: Hulda
Drykkur helgarinnar: Vodki í sprite og jarðarberjasvala.

Bloggaðu sagði maðurinn. Ætli maður verði ekki að hlýða því. Gerðist nú ekki margt fréttnæmt í síðustu viku nema það að ég fékk frí, já ég fékk frí, á Föstudaginn. Ekki nóg með það heldur fékk ég líka frí á Sunnudeginum og ég er í fríi í dag líka. Endar með því að maður þarf að fara í starfsþjálfun þegar að maður mætir aftur í vinnu.

Föstudeginum var eytt í það að bíða eftir að Finnz og Gilz kæmu í bæinn. Þeir komu ekki fyrr en um kvöldmat. Um kvöldið ákváðum við Finnur að fara á röltið og var komið við á hótelinu til að sjá Ínu syngja í Idolinu. Eftir það fór Finnur heim en ég fór aftur á röltið, glórulaus ég.

Var svo mættur í vinnu á Laugardeginum, en um kvöldið var plönuð ferð í Sjallann á ball með Skímó. Vinnudagurinn var frekar lengi að líða og það var nú ekki langt liðið á ddaginn þegar að ég frétti að Gilz hafði forðað sér úr bænum aftur. Kallinn hefur ekki þolað að vera svona lengi í stórborginni, þannig að hann dreif sig aftur suður í sveitina. Friðgeir var maður helgarinnar því að hann reddaði manni á gestalista og læti þannig að það var farið frítt á ballið. Við Finnur störtuðum heima hjá mér og var horft á brot af Green Day, Muse og White Stripes tónleikum. Síðan var horft á þrennu tímabilið hjá Man utd og svo endað á því að horfa á nokkur vel valinn mörk með meistara Forlan. Birgitta var driver og byrjaði hún nú bara á því að rúnta, því að hún vildi ekki fara á Akureyri nema að vera pottþétt að hún og Hilma kæmust inn. Endaði það með því að ég hringdi í Friðgeir sem að sagðist reyna að koma þeim inn, en ég breytti því að það væri pottþétt að þær kæmust inn, þannig að það var lagt af stað. Það var stuð í Sjallanum og allt fullt af fullu fólki. Ég man eftir því að hafa verið að reyna að fá Skímó til að rokka eitthvað, en það tókst illa og spiluðu þeir bara frumsamin lög. Besta lagið sem að hljómaði þetta kvöldið var “Til Hamingju Ísland” með Silvíu Nótt, en það var spilað í hléinu og var mikið fagnað þegar að það byrjaði að hljóma. Eftir ballið þurftum við að bíða eftir Friðgeiri, en hann ætlaði með okkur Norður, sem var að ganga frá eftir hljómsveitina. Ég veit ekki hvað við vorum búin að bíða lengi, en það endaði með því að við skildum hann eftir. Maður var kominn heim klukkan 06:30 og var farið beint í háttinn.

Á Sunnudeginum vaknaði ég svo klukkan 10:30, langur svefn, við það að ég var að drepast í löppinni. Þá hafði kallinn misstigið sig svona skemmtilega í Sjallanum en þar sem að ég var vel deyfður á þeim tíma, var ekkert hugsað meira um það og hoppað allt kvöldið. Þurfti ég því að taka því rólega á Sunnudeginum, bæði vegna þynnku og stokkbólginnar lappar. Kíkti á rúntinn með Finni í klukkustund eða svo. Þá fóru hann og Friðgeir aftur suður.

Síðan er ég er nú að fara suður á Fimmtudaginn. Var stefnan sett á að fara á Idol á Föstudaginn, en það seldist upp á 20. mínútum. Ekki veit ég hvað verður gert í staðinn. Ætli næst blogg verði ekki bara næsta Mánudag, þá getur maður sagt frá ferðinni og sett inn nokkrar myndir og eitthvað. Held að þetta sé orðið ágætt núna.

Snemmi kveður.

P.s. Ákvað að skella inn nokkrum myndum af djamminu og síðan eru 3 myndir af framkvæmdunum á neðri hæðinni.

Var að sjá að Heiðar hefði (klukkað) mig. Þá á maður víst að svar einhverjum spurningum.

Fjögur störf sem ég hef unnið um æfina :
1. Samkaup-Úrval
2. Kirkjugarðar Húsavíkur
3. Blaðaútburður (Dagur, Dagur-Tíminn og DV)
4. Bæjarvinnan

Fjórar bíómyndir sem ég gæti horft á aftur og aftur :
1. Hot Shots
2. Ace Ventura
3. Boondock Saints
4. Pulp Fiction

Fjórir staðir sem ég hef búið á :
1. Skálabrekka 9 efri hæð
2. Skálabrekka 9 neðri hæð 
3. Vallá, Kjalarnesi
4. Vallholtsvegur 9

Fjórir sjónvarpsþættir sem mér líkar :
1. King of queens 

2.Ensku Mörkin
3. Simpson
4. Malcolm in the middle

Fjórar síður sem ég skoða daglega fyrir utan blogg:
1. www.fotbolti.net
2. www.manutd.is
3. www.hotmail.com
4. www.hugi.is

Fjórir staðir sem ég hef heimsótt í fríum:
1. Manchester (Old Trafford)
2. London (Highbury)
3. Phoenix
4. Los Angeles

Fernt matarkyns sem ég held uppá:
1. Kindahjörtu
2. Lambalæri
3. Tortillas
4. Pizza

Fjórir staðir sem ég vildi heldur vera á núna:

1. Old Trafford
2. Frakklandi

3. Tónleikum með Green Day
4. er ekki nóg að nefna 3?

Átta bloggarar sem ég klukka:

1. Gísli Sig

2. Allir sem að lesa þetta og hafa ekki svarað þessu

Nú hefur verið mikil umræða um þáttöku Sylvíu Nótt í Eurovision. Ég er á því að það eigi að senda út til Grikklands (unnu þeir ekki í fyrra?). Þetta er nottla rugl keppni og Sylvía er rugl persóna. Held að hún myndi ná nokkrum vinsældum eins og Norsararnir í fyrra. Þeir voru einmitt eitthvað svona grín. Búið til boyband sem að söng eitthvað ömurlegt og stolið lag og þeir voru nú vinsælir. Það er líka kominn tími á að senda eitthvað öðruvísi lag út. Höfum sent eins lög í þetta síðan að gleðibankinn fór út. Annað hvort róleg ástarlög eða svona poppslagara sem að eru eins og öll hin lögin í keppninni. Sylvía Nótt er rétti karkterinn til að fara út. Hún myndi fá feikna mikla athygli fyrir að vera öðruvísi en allir hinir keppendurnir þarna úti og þetta er nú ekki beint hefðbundið Eurovision lag sem að hún syngur. Þannig að fólk mun þá kannski muna eftir laginu þegar að keppnin er búin.

Búinn að heyra lagið eins og flestir. Get nú ekki sagt nú ekki sagt að ég hafi verið hissa á að lagið skyldi óvart fara á netið. Þetta er náttúrulega aðallega gert til að auglýsa persónuna. Eurovision er vinsælt á Íslandi og er ekki að fara að byrja á nýrri þáttaröð. Þetta er náttúrulega auglýsing dauðans. En ekki séns á að það hafi verið hægt að reka hana úr keppni vegna vinsælda hennar.

Snemmi Kveður.

Held að þessi síða fari að deyja bráðum, alla vega að fara í dvala eitthvað framm á sumar. Nenni ekki orðið að skrifa á hana og hef svo sem ekkert til að skrifa um.  Flestir dagar eru eins þ.e. einn tími í þýsku á morgnanna og svo vinna klukkan 16. En vonandi fer eitthvað skemmtilegt að gerast. Ég er reyndar að fara að æfa með Grúti FC, komst samt ekki á fyrstu æfinguna sem að var í gær.

Spurning með að segja frá einhverju áhugaverðu fólk er víst ekki að skoða þessu síðu til að lesa nöldrið í mér. Á Föstudaginn ruddist ég heim til Gísla Árna og horfði þar á Idolið með Örnu Rún. Eins og allir vita komst Ína "okkar" áfram og var með betri söngvurunum þetta kvöldið. Mér fannst þessi þáttur reyndar alltof langur, enda var hann ekki búinn fyrr en rétt fyrir miðnætti. Mætti nú alveg stytta þetta um 30-60 mínútur alltof langt. En á Laugardeginum var maður nú bara að vinna eins og venjulega, þegar að Mikki Dollu spyr mann hvort það eigi ekki að kíkja í glas um kveldið að tilefni 20 ára afmæli kalls. Maður tók nú ekkert rosalega vel í þetta þar sem að ég þurfti að fara, ótrúlegt en satt, að vinna á Sunnudeginum. Ákvað samt fyrir rest að kíkja á kall og fá mér 2-3 kalda til samlætis. Var búinn með 2. þegar að ég kom til Mikka og þá var ég líka orðinn svona helvíti nettur. Þegar að ég var búinn með 2. í viðbót þá var ég orðinn fullur eða bara blindfucking fullur eins og einhverjir myndu orða það. Það þótti fólki ekki leiðinlegt þar sem að ég er fínn edrú en snilld fullur. Ætlaði nú reyndar að taka myndavélaskrattann með mér en hún var að sjálfsögðu með tóma rafhlöðu. Þannig að ég náði nú ekki myndum af Bjarna og frú en maður bætir úr því seinna. Minnir að ég hafi verið að plana Englandsferðir með öðrum hverjum manni í húsinu og mig minnir líka að menn hafi tekið vel í það enda allir í vinu og læti. En ég efast um að það rætist eitthvað úr þeim. Þar sem að þær ferðir sem að ég hef skipulaggt drukkinn hafa aldrei orðið að veruleika. Plús það að ég er að fara til Spánar í útskriftarferð í Maí og mun þá ekki hafa efni á mikið fleiri ferðum í ár.

Hér á síðunni mun síðan innan skamms koma skotabók. Þar verður listi með eftirminnilegum setningum sem að maður hefur heyrt í gegnum tíðina og verður síðan bætt í hana reglulega.

Snemmi kveður.

Fólk farið að kvarta undan því hvað maður bloggar lítið. Þannig að maður hendir kannski bara inn einu stykki núna.

Var að koma frá Laugum, sem er mesta skítapleis sem að ég hef farið til, og þar sá ég F.S.H skíttapa fyrir heimamönnum. Var reyndar orðinn viss um það að við myndum tapa, þegar að ég mætti í þennan eina tíma sem að ég þurfti að fara í í morgun. Þá var Björgvin að tala um það að hann nennti ekki að vera í þessu og vonaðist bara eftir því að þeir myndu detta út snemma. Aron tókst samt að koma með besta svar sem að nokkur hefur komið með í Gettu Betur en það var svarið: "Ég segi nú bara eins og Jónas vinur minn "Jesús Kristur"" Fengum ekki rétt fyrir það.

Í gær var samt leiðinlegt veður og í kjölfar þess féllu niður allir mínir tímar í skólanum. Þannig að það var bara rólegt hjá manni en ég þurfti samt að mæta í vinnu klukkan 16. Held að ég hafi ekkert meira til að skrifa um, enda allir dagar eins og ég hef lítið sem ekkert að gera.
Snemmi kveður.

P.s. Er einhver tilbúinn að fara með mér á Man Utd - Birmingham 26. mars?

Vaknaði frekar snemma í morgun, því að ég átti stefnumót við Örnu Rún. Ekki svona dinner stefnumót með kertum og læti samt. Heldur átti ég að hitta hana í Töff Sport klukkan 11:30. Þar var tekið á því í einn og hálfan tíma og er maður með netta strengi í höndunum. Síðan var mér boðið í þriggja ára afmæli hjá Siggu Lóu klukkan 15 og var ég bara að koma þaðan. Keypti myndina Hitchikers guide to the galaxy í gær og ég verð að segja að þetta er ein fyndasta mynd sem að ég hef séð. Þunglynda vélmennið Marvin er yfirburða karakter í þessari mynd. Mæli með því að fólk horfi á þessa mynd.

Aðalástæðan að ég er að blogga samt er sú að ég var búinn að lofa Sigga Valla að setja inn myndir í dag. Ég er búinn að setja inn myndir af Englandsferð nr. 2 en ég ætla að geyma Highbury myndirnar til morguns þar sem að þetta tekur agalega langan tíma. Þið getið skoðað myndirnar með því að smella á tengilinn "Englandsferðir" hér til hliðar.
Snemmi Kveður.

Fólk farið að missa trúnna á þessari síðu. En þar sem að skólinn er byrjaður aftur, þá fer manni að gefast tími til að blogga meira heldur en að maður gerði um jólin. Skólinn byrjaði á Föstudaginn og fékk ég inn eitt fag. Það fag var þýska 403, en ég gat reyndar bætt við mig nát 123 áfanga í p-námi. En þar sem að það er bara eitt fag inn á töflunni þá er ég bara í 4 tímum á viku. Fæ frí á föstudögum sem að er mjög fínt. Ég er búinn að setja stefnuna á að vinna einhvern slatta með þessum tímum og þarf ég að fara að tala við Gísla Sig. þegar að hann kemur í bæ og tékka hvort að maður geti fengið einhverja meiri vinnu í Úrval. Látum þetta gott heita í bili. Lofa að vera duglegri að blogg á næstu dögum.
Snemmi kveður.

Svo að fólk haldi ekki að þessi síða sé dauð, þá ætla ég að blogg aðeins núna. Vill byrja á að hrósa Óskari í leigunni fyrir að vera með opið hjá sér í dag. Því að það þýddi að ég gat farið og keypt mér bland fyrir kvöldið. Hvað er málið með að allt sé lokað annan í jólum? Og hversu latir eru íslendingar ef að það er farið að gera anna í einhverju til að fá aukafrídag? Það er nákvæmlega ekkert merkilegt við daginn í dag. Eina góða er að maður getur dottið í það í kvöld. Vill líka þakka Bjarna frænda fyrir að vera eini vinur minn með viti, sem þýðir að hann er til í það að detta í það í kvöld.

Ferðasaga um Englandsferðina er í bígerð og birtist hún hér einhver tímann fljótlega, einnig munu koma myndir inn en ég geri það þegar að skólinn byrjar og maður fær aftur frítíma.

Ef að fólk er búið að vera að velta því fyrir sér hvað kallinn fékk í jólagjöf þá getur það glaðst því að hér kemur jólagjafalistinn.

• Mynd af afa Tryggva (frá ömmu Kristbjörgu)
• War of the Worlds DVD (frá Sólrúnu systur) (ein leiðinlegasta mynd sem að ég hef séð)
• Day after tomorrow DVD (frá Finni)
• Bók um Formúlu 1 og Hjálpum þeim CD (frá Árný systir)
•  Hanska, spil og útskorna mynd af jólasveini (frá ömmu og afa á Húsavík)
• Bourne identity + Bourne supremecy box set DVD og Toblerone (frá Gísla og Örnu)
  
• Rafmagnsgítar + magnari (frá mömmu og pabba)

Þá held ég bara að það sé allt komið. Held líka að það sé allt komið af því sem að ég ætlaði að skrifa í þessu bloggi. Bjarni fer að koma þannig að maður þarf nú að fara að hella í sig. Sjáumst blind fokking full í kvöld og um áramótin. Snemmi kveður.